| గిన్నెడు గోరుముద్దలు..
గడికిన్ని ముద్దులు. |
| చారెడు బలపాలు.. బోలెడు అల్లర్లు. |
| సంచెడు పుస్తకాలు.. బండెడు జ్ఞాపకాలు. |
| మూడు ముళ్ళు.. ఏడు అడుగులు... |
| గుప్పెడు అక్షతలు.. దోసెడు తలంబ్రాలు. |
| ఆకాశమంత ఆశలు.. నక్షత్రాలన్ని కోరికలు. |
| అంతులేని అనుభూతులు.. అపుడపుడు జాలువారే ఆనంద బాష్పాలు. |
| వేలల్లో తెలిసిన వాళ్ళు.. వేళ్ళమీద లెక్కపెట్టుకునేంత మంది ఆప్తులు. |
| కడివెడు కన్నీళ్ళు.. కొండంత సంతోషాలు. |
| ఆఖరికి, |
| ఆరడుగుల నేల.. పిడికెడు మట్టి. |
| జీవితంలో అన్నింటికి
కొలతలున్నాయి.. అది కాదు గొప్ప. |
మన జీవితమే ఒక
'కొలబద్ద' కావాలి… అదీ గొప్ప !
- మధు ( 01.01.2014) |
No comments:
Post a Comment