అమ్మ...
ఆకలేసినపుడు  గుర్తొచ్చేది  అమ్మ.
ఇసుమంతైనా  స్వార్థం  లేక,
ఈ జీవితమంతా నీ కోసం పాటుపడేది  అమ్మ. 
ఉబలాటం  అమ్మకి, 
ఊరంతా  నీ పేరు  గొప్పగా చెప్పుకోవాలని. 
ఎoదరిలో  ఉన్నా..
ఏ దేశంలో  నువ్వున్నా...
ఐరావతమే  అధిరోహించినా...
ఒoటరివే  అమ్మ లేకుంటే. 
ఓనమాలు  నీతో దిద్దించి, 
ఔరా ! అనిపించేలా  నీ భవిష్యత్తుండాలని తపించేది  అమ్మ. 
అందమైన  తోడును  నీకోసం వెతికి, 
ఆఃహా ! అనిపించేలా నీ జీవితం  సాగాలని  కాంక్షించేది  అమ్మ. 

అమ్మలందరికీ.. మాతృ దినోత్సవ  శుభాకాంక్షలు :)
                                                           

                                                                   - మధు