:: విధి వెక్కిరించిన వనితలు ::

కట్టుకున్న వాడే కాటేస్తే కొందరు..
నా అనుకున్న వాళ్ళే నరక కూపంలోకి నెట్టేస్తే కొందరు...

హితులే హేయంగా వెలివేస్తే కొందరు..
స్నేహితుడే వంచిస్తే కొందరు...

ఇదే అందం అనుకుని కొందరు..
ఇదే ఆడంబరమని కొందరు...

సులభ ఆదాయ మార్గమని కొందరు..
దురలవాట్లకు లోనై కొందరు...

బలవంత పెడితే కొందరు..
భయపెడితే కొందరు...

ఆకలికి తాళలేక కొందరు..
ఈ 'కలి'తో వేగలేక కొందరు...

పిల్లల కోసం కొందరు..
తల్లి కోసం కొందరు...

మలిన పడ్డామని కొందరు..
మరలా కొత్త జీవితం మొదలు పెట్టలేక కొందరు...

వృత్తిలా కొందరు..
ప్రవృత్తిలా కొందరు...

అందరూ వేశ్యలు కాదు.. మరొకరి జీవితంలో వెలుగులు నింపే కొవ్వొత్తులున్నారు…
అందరూ పతితలు కాదు.. ఆత్మాభిమానం నిండిన పడతులూ ఉన్నారు…

                                                                      - మధు 21st Nov, 2014