:: ఎవరు నేను ::

రేపు గొప్పగా ఉండాలని ఆరాటపడతాను.

నేనొక స్వాప్నికుణ్ణి..

అందుకోసం నిరంతరం పోరాడతాను.

నేనొక శ్రామికుణ్ణి..

నాలో నేను మధనపడతాను.

నేనొక అంతర్ముఖుణ్ణి..

అంతా మంచే జరుగుతుందనుకుంటాను.

నేనొక ఆశావహుణ్ణి..

నచ్చకపోతే నిక్కచ్చిగా నా అభిప్రాయం చెప్తాను.

నేనొక విమర్శకుణ్ణి..

అవసరమైతే తిరుగుబాటు బావుటా ఎగరేస్తాను.

నేనొక విప్లవకారుణ్ణి..

నేను 'మనుషుల్ని' గౌరవిస్తాను.

నేనొక మానవతావాదిని..

నన్ను నేను అభిమానించుకుంటాను.

నేనొక మానాభిమానిని..

హితుల్ని ప్రోత్సహిస్తాను.

నేనొక ప్రేరకుణ్ణి..

స్నేహితుల్ని ప్రేమిస్తాను.

నేనొక ప్రేమికుణ్ణి..

ఒక్కోసారి బంధాలను వదిలేద్దామనుకుంటాను.

నేనొక తాపసిని..

అవే బంధాల కోసం ఏదైనా చేద్దామనుకుంటాను.

నేనొక తపస్విని..

అందరిని కలుస్తూ ఉంటాను.

నేనొక దేశదిమ్మరిని..

అందరిని కలుపుకోవాలనుకుంటాను.

నేనొక దేవుణ్ణి..

కొత్తంగా చెప్పడానికేమీ లేదు..

మొత్తంగా నేనొక 'మనిషి'ని...

- మధు  (04.11.2013)